शुक्रबार, मंसिर २७, २०७६

समाचार खेलकुद

सागमा नेपालको स्वर्णीम दिन : क-कसले दिलाए १५ स्वर्ण?

सागमा नेपालको स्वर्णीम दिन : क-कसले दिलाए १५ स्वर्ण?

काठमाडौं - १३ औं दक्षिण एसियाली खेलकुद प्रतियोगिता (साग)मा सोमबार मात्रै नेपालले १५ स्वर्ण पदक जितेको छ।

नेपालले तीन खेलमा १५ स्वर्णपदक जितेको हो। नेपालले कराते र तेक्वान्दोमा ७–७ र ट्रायथोलनमा एक गरी १५ स्वर्ण जितेको हो।

करातेका ९ स्पर्धामा नेपालले ७ स्वर्ण र २ रजत जितेको हो। सागमा नेपाललाई पहिलो स्वर्ण करातेका मण्डेकाजी श्रेष्ठले दिलाएका थिए।

उनले टिम कातामा पनि प्रवीण मानन्धर र महसुस तामाङसँग मिलेर स्वर्ण दिलाए। उनी जारी सागमा दुई स्वर्ण जित्ने पहिलो खेलाडी समेत बनेका छन्।

यस्तै तेक्वान्दोतर्फ १३ स्वर्णको लागि भएको प्रतिस्पर्धामा नेपालले ७ स्वर्ण जितेको हो।

यस्तै नेपालले ट्रायथोलनमा एक स्वर्ण जित्यो। ट्रायथोलनको महिला ईलाईट स्प्रिन्टमा नेपालकी सोनी गुरुङले स्वर्ण जितेकी हुन्।

नेपाललाई स्वर्ण दिलाउने खेलाडी

कराते (एकल काता) – मण्डेकाजी श्रेष्ठ

कराते (टिम काता, पुरुष) – मण्डेकाजी श्रेष्ठ, महसुस तामाङ, प्रविण मानन्धर

कराते (टिम काता, महिला)– निर्मला तामाङ, संगिता मगर, सरु कार्की

कराते (५५ केजी) – लक्ष्मण तामाङ

कराते(८४ केजीमाथि) – विप्लवलाल श्रेष्ठ

कराते (४५ केजी मुनि)– कुसुम खड्का

कराते (५० केजी मूनि) –अनु अधिकारी

तेक्वान्दो पुम्से (२३–२९ वर्ष ) – कमल श्रेष्ठ

तेक्वान्दो पुम्से ( १७ –२३ वर्ष )– सिना मादेन लिम्बू

तेक्वान्दो पुम्से (२३ –२९ वर्ष ) – पार्वती गुरुङ

तेक्वान्दो पुम्से (२९ वर्ष माथि ) – आयशा शाक्य

तेक्वान्दो पुम्से (२९ वर्ष माथि ) – आयशा शाक्य र सञ्जिकुमार पाण्डे

तेक्वान्दाे पुम्से महिला( १७-२९ वर्ष ) - निशा दर्नाल, स्वस्तिमा तामाङ र सञ्जिला तिमल्सिना

तेक्वान्दाे २३ वर्षमाथि उमेरसमूह - निता गुरुङ, प्रशांसा क्षेत्री र सुशीला राई

ट्रायथलन – सोनी गुरुङ

रजत पदक दिलाउने खेलाडी

कराते (एकल काता) – चन्चला दनुवार

तेक्वान्दो पुम्से (१७–२३ वर्ष)– कृष्णबहादुर तामाङ

कराते (८४ केजी मूनि)– दिवस श्रेष्ठ

कास्य पदक दिलाउने खेलाडी

तेक्वान्दो पुम्से (१७–२३ वर्ष) अस्मिन राउत र सिना मादेन लिम्बु

तेक्वान्दो पुम्से (२३–२९ वर्ष ) – जितबहादुर बोट र पार्वती गुरुङ

ट्रायथोलन – बसन्त थारु

प्रतिक्रिया दिनुहोस्