भारतीय विदेशमन्त्री एस जयशंकरले प्रधानमन्त्री केपी शर्मा ओलीसँग भेट गरेका छन् ।
नेपाल भारत संयुक्त आयोगको बैठकमा सहभागी हुन आजै नेपाल आएका जयशंकरले प्रधानमन्त्री ओलीलाई भारतीय प्रधानमन्त्री नरेन्द्र मोदीको सन्देश सुनाएका थिए ।
बालुवाटारमा भएको भेटमा उनले प्रवुद्ध समूह (ईपीजी) को प्रतिवेदनलाई मोदीले उपयुक्त समयमा बुझ्ने जानकारी दिएको प्रधानमन्त्रीका परराष्ट्र मामिला सल्लाहकार राजन भट्टराईले जानकारी दिए ।
भेटमा जयशंकरले दुवै देशमा राजनीतिक स्थायित्व कायम भएकोले नीतिगत रुपमा पनि निर्णय गर्न सहज वातावरण बनेको र नीतिगत स्थायित्वलाई पनि अगाडि बढाउनु पर्ने बताएको सल्लाहकार भट्टराईले जानकारी दिए ।
प्रकाशित: Dec 31, 2017| 18:23 आइतबार, पुस १६, २०७४