शुक्रबार, मंसिर २७, २०७६

समाचार

कास्की-२ मा नेकपाकी विद्याको जित पक्का

कास्की-२ मा नेकपाकी विद्याको जित पक्का

काठमाडौं - प्रतिनिधिसभाको उपनिर्वाचनअन्तर्गत कास्की २ मा नेकपा उम्मेदवार विद्या भट्टराईको जित पक्का भएको छ। ८ हजार चार सय ३१ मत गन्न बाँकी रहँदा उनले कांग्रेस उम्मेदवार खेमराज पौडेल भन्दा ८ हजार ५ सय ३६ मतले अग्रता लिएकी छन्।

पछिल्लो मत गणना परिणामअनुसार नेकपाकी विद्या भट्टराईले २० हजार ७ सय ९७ मत ल्याएकी छन् । कांग्रेसका पौडेलको १२ हजार २ सय ६१ मत छ ।

अब पोखरा महानगरपालिकाको वडा नम्बर ४, ७, ८ वडाको मत गन्न बाँकी छ । शनिबार भएको उपनिर्वाचनमा ४५ हजार ५ सय ६३ मत खसेको थियो ।

समाजवादी पार्टीका उम्मेदवार धर्मराज गुरुङले १ हजार ५ सय ३ मत प्राप्त गरेका छन्। त्यस्तै साझा पार्टीकी उम्मेदवार रजनी केसीले ६ सय २६ मत मत प्राप्त गरेकी छन्।

कास्की–२ बाट नेकपाबाट विजयी तत्कालीन पर्यटनमन्त्री रवीन्द्र अधिकारीको हेलिकोप्टर दुर्घटनामा निधन भएपछि उक्त स्थान रिक्त थियो । नेकपा उम्मेदवार विद्या भट्टराई रवीन्द्रकी पत्नी हुन् ।

प्रतिक्रिया दिनुहोस्