शुक्रबार, मंसिर २७, २०७६

समाचार

खार्पुनाथमा नेकपाकी शाही विजयी

खार्पुनाथमा नेकपाकी शाही विजयी

सुर्खेत - हुम्लाको खार्पुनाथ गाउँपालिकाको उपाध्यक्षमा नेकपाकी रुपा शाही विजयी भएकी छन्।

उनी १ हजार ४ सय ५४ मत ल्याएर विजयी भएकी हुन्। प्रतिद्वन्दी नेपाली कांग्रेसकी तारा शाहीले १ हजार ३ सय ८५ ल्याइन्।

राप्रपा संयुक्तका उम्मेदवार दीपबहादुर शाहीले १० मत ल्याए।  

खार्पुनाथमा २ हजार ८ सय ७९ मत खसेको थियो। २० मत बदर भएको जिल्ला निर्वाचन कार्यालय हुम्लाका प्रमुख महेश शर्माले जानकारी दिए।

खार्पुनाथको उपाध्यक्ष यसअघि नेपाली कांग्रेसले जितेको थियो।

निर्वाचन आयोग र दलहरुबीच विवाद हुँदा मतगणना आज बिहान ढिलागरी सुरु भएको छ। दलहरुले वडागत रुपमा मतगणना गर्नुपर्ने माग गरेका थिए।

तर मुख्य निवार्चन अधिकृतको कार्यालयले संयुक्त रुपमा मतगणना हुनुपर्ने बताएपछि मतगणना ढिलाइ भएको थियो। अन्तिम अवस्थामा आएर दुई वटा वडालाई मिलाएर मतगणना गर्न दलहरु सहमत भएका थिए।

 

प्रतिक्रिया दिनुहोस्