काठमाडौं- प्रधानमन्त्री केपी शर्मा ओलीले सर्वदलीय बैठक आह्वान गरेका छन् ।
प्रधानमन्त्रीमा निर्वाचित भएको १७ महिनापछि ओलीले प्रतिनिधिसभामा प्रतिनिधित्व गर्ने दलको बैठक आह्वान गरेका हुन् ।
लामो समयदेखि अड्किएको संक्रमणकालीन न्यायसम्बन्धी विषयको टुंगो लगाउन मंगलवार अपरान्ह ५ बजे बालुवाटारमा सर्वदलीय बैठक बोलाइएको बताइएको छ ।
यसअघि गत आइतबार संसद्मा सम्बोधन गर्दै प्रधानमन्त्री ओलीले संक्रमणकालीन न्यायसम्बन्धी दुईवटा आयोगको टुंगो एक सातामा लगाइसक्ने बताएका थिए।
प्रधानमन्त्रीले बुधबारका ५ बजेका लागि नेपाल कम्युनष्टि पार्टी (नेकपा) र नेपाली कांग्रेसको बैठक बोलाएका छन् ।
सत्य निरुपण तथा मेलमिलाप र वेपत्ता पारिएका व्यक्तिहरूको छानविनसम्बन्धी आयोग गत फागुनदेखि पदाधिकारीबिहीन छन् ।
कुन आयोगको नेतृत्व कुन दल निकटका व्यक्तिलाई दिने विषयमा सहमति जुट्न नसक्दा आयोगमा अहिलेसम्म पदाधिकारी नियुक्त हुन सकेका छैनन् । जसका कारण आयोगको काम अघि बढ्न सकेको छैन ।
प्रकाशित: Dec 31, 2017| 18:23 आइतबार, पुस १६, २०७४