शुक्रबार, मंसिर २७, २०७६

समाचार

कास्कीमा विद्यालाई साढे ७ हजार मतको अग्रता

कास्कीमा विद्यालाई साढे ७ हजार मतको अग्रता

कास्की- कास्की क्षेत्र नं २ मा भएको प्रतिनिधिसभा सदस्यको उप निर्वाचनमा जारी मतगणनामा नेकपा उम्मेदवार विद्या भट्टराईले साढे ७ हजार मतको अग्रता लिएकी छन्।

पछिल्लो पटक सार्वजनिक गरिएको विवरणमा २५ हजार ५३३ मत गणना हुँदा विद्याले १५ हजार ५०५ मत प्राप्त गरेकी छन्।

उनका निकटतम प्रतिद्वन्द्वी नेपाली कांग्रेसका उम्मेदवार खेमराज पौडेलले ७ हजार ८०७ मत प्राप्त गरेका छन्।

समाजवादी पार्टीका उम्मेदवार धर्मराज गुरुङले जम्मा ९०२ मत प्राप्त गरेका छन्।

त्यस्तै साझा पार्टीकी उम्मेदवार रजनी केसीले ३६८ मत प्राप्त गरेकी छन्।

२१ जना उम्मेदवार रहेको सो क्षेत्रमा कतिपय उम्मेदवारले अहिलेसम्म १ मत पनि प्राप्त गरेका छैनन्। थुप्रै उम्मेदवारको मत १० भन्दा कम रहेको निर्वाचन अधिकृतको कार्यालयले जनाएको छ।

प्रतिक्रिया दिनुहोस्