काठमाडौं । नेपाल कम्युनिस्ट पार्टी (नेकपा)ले पार्टीका जनसंगठन, प्रदेश समन्वय र विशेष जिल्ला कमिटीमा विभिन्न कमिटीमा नेताको कार्यविभाजन गरेको छ ।
आइतबार बेलुका बसेको केन्द्रीय सचिवालय बैठकले २२ जनसंगठन, ७ प्रदेश समन्वय र विशेष जिल्ला कमिटीमा कार्यविभाजन गरेको हो ।
प्रवक्ता नारायणकाजी श्रेष्ठका अनुसार उपत्यका विशेष कमिटीको इन्चार्जमा लीलामणि पोखरेल, सहइन्चार्जमा भानुभक्त ढकाल र अरुण नेपाललाई जिम्मेवारी दिइएको छ । यस्तै, कमिटीको अध्यक्षमा राजन भट्टराई र सचिवमा लेखनाथ न्यौपाने तोकिएका छन् ।
युवा विद्यार्थी विशेष जिल्ला कमिटीको इन्चार्जमा माधव ढुंगेल, सहइन्चार्जमा कृष्ण केसी, अध्यक्षमा रमेश मल्ल र सचिवमा सुनिता बराललाई जिम्मेवारी दिइएको छ ।
मजदुर विशेष जिल्ला कमिटीको इन्चार्जमा मीना श्रेष्ठ, सहइन्चार्जमा कुमार पौडेल, अध्यक्षमा जगत सिम्खडा र सचिव नरनाथ लुइँटेल चयन भएका छन् ।
पेशागत जिल्ला कमिटीको इन्चार्जमा केशवप्रसाद नेपाल, सहइन्चार्जमा प्रेमल खनाल, अध्यक्षमा प्रेम पराजुली र सचिवमा कृष्णराज केसीलाई जिम्मेवारी दिइएको छ ।
उद्योगी व्यवसायी विशेष जिल्ला कमिटीमा इन्चार्ज पार्वत गुरुङ, सहइन्चार्ज शशी श्रेष्ठ, अध्यक्ष (नाम सार्वजनिक नगरिएको) र सचिवमा चन्द्र रिजाललाई तोकिएको छ ।
केन्द्रीय सम्पर्क समन्वय कमिटीको इन्चार्जमा छविलाल विश्वकर्मा, सहइन्चार्जमा डिलाराम आचार्य, विजय गुरुङ र झक्कु सुवेदी, अध्यक्षमा प्रल्हाद बुढाथोकी र सचिवमा नरेन्द्र श्रेष्ठ तोकिएका छन् ।
बैठकले प्रदेश सम्पर्क कमिटीमा समेत कार्यविभाजन गरेको छ ।
प्रदेश १ सम्पर्क कमिटीको इन्चार्ज किशोर अधिकारी, सहइन्चार्ज हेमकुमार राई, अध्यक्ष इन्द्र भण्डारी र सचिव धुव्रकुमार आङदम्बेलाई तोकिएको छ ।
प्रदेश २ सम्पर्क कमिटीको इन्चार्जमा अच्युत मैनाली, सहइन्चार्जमा भरत शाह, अध्यक्षमा सुनिता यादव र सचिवमा विल्टु यादवले जिम्मेवारी पाएका छन् ।
प्रदेश ३ सम्पर्क कमिटिको इन्चार्ज गणेश पहाडी, सहइन्चार्ज युवराज दुलाल, अध्यक्ष कमला दुङ र सचिव श्याम बस्नेतलाई तोकिएका छ ।
गण्डकी प्रदेश सम्पर्क कमिटीको इन्चार्जमा दिलु पन्त, सहइन्चार्जमा चुडामणी खड्का, अध्यक्षमा तारा कुमाल र सचिवमा विष्णु सिग्देलले जिम्मेवारी पाएका छन् ।
प्रदेश ५ सम्पर्क कमिटीको इन्चार्ज मानबहादुर बुढा, सहइन्चार्ज गौराप्रसाद कोइराला, अध्यक्ष थानेश्वर बस्याल र सचिव सुनिता रोकायालाई तोकिएको छ ।
कर्णाली प्रदेश सम्पर्क कमिटीको इन्चार्जमा झकबहादुर मल्ल, सहइन्चार्जमा गोविन्दविक्रम शाह, अध्यक्षमा पूर्णबहादुर मल्ल र सचिवमा चित्रबहादुर घर्तीमगर चयन भएका छन् ।
सुदूरपश्चिम प्रदेश सम्पर्क कमिटीको इन्चार्ज गौरीशंकर चौधरी, सहइन्चार्ज महेश्वर पाठक, अध्यक्ष शिव ठकुल्ला र सचिव हेमन्त जोशीलाई तोकिएको छ ।
प्रवक्ता श्रेष्ठका अनुसार बैठकले जनवर्गीय संगठनको इन्चार्ज र सहइन्चार्ज तोकेको छ । ट्रेड युनियन महासंघको इन्चार्जमा जयपुरी घर्ती र सहइन्चार्जमा विनोद श्रेष्ठ चयन भएका छन् ।
अखिल नेपाल किसान महासंघको इन्चार्ज वामदेव गौतम, सहइन्चार्ज सुनिल मानन्धर र अध्यक्ष हरि पराजुलीलाई तोकिएको छ ।
अखिल नेपाल महिला संघको इन्चार्जमा गोमा देवकोटा र सहइन्चार्जमा कमला रोका चयन भएका छन् ।
राष्ट्रिय युवा संघ नेपालको इन्चार्ज महेश बस्नेत र सहइन्चार्ज रामप्रसाद सापकोटा ‘दीपशिखा’लाई तोकिएको छ ।
अखिल नेपाल राष्ट्रिय स्वतन्त्र विद्यार्थी युनियनको इन्चार्जमा हितमान शाक्य र सहइन्चार्जमा विनोद ढकाल चयन भएका छन् ।
नेपाल बुद्धिजिवी संगठनको इन्चार्ज अग्निप्रसाद सापकोटा र सहइन्चार्ज टंक कार्कीलाई तोकिएको छ ।
पेशागत महासंघ नेपालको इन्चार्जमा पम्फा भुसाल र सहइन्चार्जमा विश्वनाथ प्याकुरेलले जिम्मेवारी पाएका छन् ।
प्रकाशित: Dec 31, 2017| 18:23 आइतबार, पुस १६, २०७४