शुक्रबार, मंसिर २७, २०७६

समाचार

रोल्पाको थवाङमा नेकपा उम्मेदवार विजयी

रोल्पाको थवाङमा नेकपा उम्मेदवार विजयी

रोल्पा- उपनिर्वाचन अन्तर्गत रोल्पाको थवाङ–१ को वडाध्यक्षमा सत्तारुढ नेकपाका उम्मेदवार विजयी भएका छन्।

नेकपाका उमेदवार जनकबहादुर बुढाले १७४ मत ल्याएर विजयी भएका हुन्। उनका निकटतम प्रतिद्वन्दी नेपाली कांग्रेसका कलम रोकाले २६ मत ल्याएका छन्।

जम्मा २०८ मत खसेकोमा थवाङमा ९ मत बदर भएको थियो। कुल १२ सय ८८ मत मध्ये २०८ मतदाता रहेको वडामा नेत्रविक्रम चन्द विप्लव नेतृत्वको नेकपाले चुनाव बहिस्कार गरेपछि थोरै मत खसेको थियो।

सो वडामा दुई मतदान केन्द्रमा १ सय १२ जना महिला र ९७ जना पुरुष मतदाताले मतदान गरेका हुन्।

बिहान ७ बजेदेखि मतदान सुरु भई साँझ ५ बजे मतदान सम्माप्तिको अवधिसम्म जम्मा १६ दशमलव १ प्रतिशत मात्र मतदानमा सहभागी भएको मतदान अधिकृत ऋषिराम सुवेदीले जानकारी दिए।

प्रतिक्रिया दिनुहोस्