तरुण दलका नेता गिरीमाथि खुँडा प्रहार

सुर्खेत- सुर्खेतमा तरुण दलका एक नेतामाथि खुँडा प्रहार भएको छ। वीरेन्द्रनगर–१ का तरुण दलका उपाध्यक्ष सन्तोष गिरीमाथि खुँडा प्रहार भएको हो। शुक्रबार बेलुका वीरेन्द्रनगरको धमला चोक निजकै गिरीमाथि खुँडा प्रहार भएको प्रहरीले जनाएको छ।

खुँडा प्रहारबाट गिरीको दुबै हातमा चोट लागेको जिल्ला प्रहरी कार्यालय सुर्खेतका प्रवक्ता एवं डीएसपी रामप्रसाद घर्तीमगरले जनाए। कसले र किन खुँडा प्रहार गर्‍यो भन्ने एकीन नभएको प्रहरीले छ। ‘एउटा होटेलमा खुँडा प्रहार भएको जानकारी आएको छ। तर, किन र कसले खुँडा प्रहार गर्‍यो भनेर एकीन भएको छैन,’ डीएसपी घर्तीमगरले भने, ‘घटना अनुसन्धानकै क्रममा छ, थप केही खुलेको छैन।’ 

घाइते गिरीको वीरेन्द्रनगरस्थित माया नर्सिङ होममा उपचार भइरहेको तरुण दल सुर्खेतका अध्यक्ष हरि विष्टले बताए। उनी खत्तरामुक्त छन्।