धनगढी- डोटीस्थित सेती नदीमा आइतबार नुहाउने क्रममा बगेर एक बालिका बेपत्ता भएकी छन्।
दिपायल सिलगढी नगरपालिका–४ राजपुर बस्ने दिलबहादुर नेपालीको– ८ वर्षीया छोरी करिश्मा नदीमा नुहाउने क्रममा बेपत्ता भएकी जिल्ला प्रहरी कार्यालयका प्रहरी नायब उपरीक्षक लालबहादुर धामीले जानकारी दिए।
आल्के पर्व मनाउन दिपायलस्थित मामाघर गएकी ती बालिका नुहाउने क्रममा सेती नदीको बासुधारा भन्ने ठाउँबाट बगेकी हुन्। उनको नेपाल प्रहरी, दिपायलस्थित जोगी डाब्रेमा रहेको सशस्त्र प्रहरीको ३६ नम्बर गण तथा स्थानीयवासीले खोजी गरिरहेको धामीले जानकारी दिए।
पानीको बहाव बढी भएको र नदी पनि धमिलो भएका कारण खोजी कार्यमा समस्या भएको इलाका प्रहरी कार्यालय पिपल्लाका इन्चार्ज प्रहरी नायब निरीक्षक कमलापति पन्तले जानकारी दिए।
प्रकाशित: Dec 31, 2017| 18:23 आइतबार, पुस १६, २०७४