काठमाडौं- सेञ्चुरी कर्मिर्सयल बैंकले मनोज न्यौपानेलाई नायव कार्यकारी प्रमुखमा नियुक्त गरेको छ ।
न्यौपाने सोही बैंकमा दुई वर्षदेखि प्रमुख व्यवसाय अधिकृत पदमा कार्यरत थिए । उनलाई बैंकको बिहीबार बसेको सञ्चालक समिति बैठकले नायव कार्यकारी प्रमुखमा नियुक्त गरेको हो ।
लक्ष्मी बैंकबाट बैंकिङ सेवा प्रारम्भ गरेका न्यौपानेको हिमालयन बैंक लिमिटेड तथा सनराईज बैंक लिमिटेडमा गरी करिब १५ वर्षको बैकिङ अनुभव छ । उनी बैंकको प्रमुख सूचना अधिकारी पनि हुन ।
न्यौपानेले काठमाडौं विश्वविद्यालयबाट वाणिज्य शास्त्रमा स्नातकोत्तर गरेका छन् ।
उनको प्रभावकारी नेतृत्वमा बैंक आगामी दिनहरुमा अझ गतिशिल भई सफलताका साथ अगाडि बढ्ने विश्वास लिइएको बैंकद्वारा जारी प्रेस विज्ञप्तिमा जनाइएको छ ।
प्रकाशित: Dec 31, 2017| 18:23 आइतबार, पुस १६, २०७४