काठमाडौं- शुक्रबार बसेको नेपाल कम्युनिस्ट पार्टी (नेकपा) सचिवालय बैठकले केन्द्रीय विभागहरुमा नेतृत्वको टुंगो लगाएको छ।
सर्वाधिक चर्चामा रहेको स्कुल विभागको जिम्मेवारी नेता ईश्वर पोखरेलले पाएका छन् ।
यसबाहेक प्रचार विभागमा नारायणकाजी श्रेष्ठ, संगठन विभागमा बामदेव गौतम, नीति अध्ययन विभागमा झलनाथ खनाल तथा विदेश विभागमा माधवकुमार नेपाललाई प्रमुखको जिम्मेवारी दिइएको छ।
यसअघि स्कुल विभागमा नारायणकाजी श्रेष्ठले दाबी गर्दै आएका थिए ।
नेकपाको विभिन्न केन्द्रीय विभागको प्रमुख तथा उपप्रमुखको जिम्मेवारी टुंगो लगाउन लामो समयदेखि बैठक बस्दै आए पनि स्कूल विभागको नेतृत्व कसले लिने भन्ने विवादका कारण निर्णय हुन सकिरहेको थिएन ।
शुक्रबार प्रधानमन्त्रीको सरकारी निवास बालुवाटारमा बसेको बैठकले विभागको जिम्मेवारी टुंगो लगाएको हो।
प्रकाशित: Dec 31, 2017| 18:23 आइतबार, पुस १६, २०७४