युइएफए वर्ष खेलाडीको अन्तिम तीन सर्वाजनिक

एजेन्सी- युरोपेली फुटबल महासंघ (युइएफए)ले बर्ष पुरुष खेलाडीको अन्तिम तीन खेलाडीको नाम सार्वजनीक गरेको छ । गत सिजन गरेको प्रर्दशनका आधारमा युईएफएले सार्वजनिक गरेका १० जना खेलाडीबाट बिहीबार अन्तिम तीन खेलाडीको मनोनयन सार्वजनीक गरेको हो ।

युइएफए वर्ष खेलाडीको अन्तिम तीनमा लिभरपुलका डिफेन्डर भर्गिल भान डिज्क, बार्सिलोनाका कप्तान लियोनल मेस्सी र युभेन्ट्सका क्रिस्टियानो रोनाल्डो रहेका छन् । ८० जना प्रशिक्षक र ५५ पत्रकारहरुले गरेको मतका आधारमा अन्तिम वर्ष खेलाडी सार्वजनिक गरेको हो । 

लिभरपुललाई च्याम्पियन्स लिगको उपाधि दिलाउन भान डिज्कले महत्वपूर्ण योगदान दिएका थिए । त्यस्तै मेस्सी गत वर्षको च्याम्पियन्स लिगका सर्वाधिक गोल कर्ता हुन् । उनले युरोपियन गोल्डेन बुट जितेका थिए । मेस्सीले गत सिजन आफ्नो दशौ ला लिगा उपाधि समेत जितेका थिए । 

रोनाल्डोले पनि युभेन्ट्सलाई घरेलु लिग सिरी ए को उपाधि दिलाउन महत्वपूर्ण योगदान दिएका थिए । उनले युभेन्ट्समा आफ्नो डेब्यु सिजनमा नै उपाधि दिलाउन सफल भएका थिए । युइएफ वर्ष खेलाडीको मनोनयमा एलिसन, साडियो माने, मोहमद सलाहा, इडेन हाजार्ड, म्याथिज डि लिट, फ्रेन्की डि जोङ र रहिम स्टर्लिङ परेका थिए ।