टुथब्रस निलेर आत्महत्याको प्रयास

चीन – चीनको ग्वान्जाओ प्रान्तको शेनजेन शहर बस्दै आएका ५१ वर्षीय ‘लि’ को केही दिन अघि पेट एक्कासी दुख्न थाल्यो। उनी जाँच गराउनको लागि अस्पताल पुग्दा पत्तो लाग्यो कि उनको पेटमा दाँत माझ्ने ब्रस रहेछ।

२० वर्ष पेटमा रहेको ब्रस कालो र पुरानो देखिएको थियो भने ब्रसका बिस्टलहरू सबै छुट्टिसकेका थिए। इन्डोस्पोकीबाट पत्तो लगाइएको ब्रस कसरी लीको पेटमा पुग्यो घटना निकै रोचक छ। 

२० वर्ष अघि ‘ली’ कैदी जीवन बिताइरहेका क्रममा उनले आत्महत्याको प्रयास गरेका थिए। उनी लागुऔषधको आरोपमा जेल परेका थिए। र लागुऔषध सेवनकै कारण उनलाई एचआइभी भएको शंका भयो। उनले आत्महत्याको विभिन्न प्रयास गर्दा पनि सफल नभएपछि रिसको झोंकमा दाँत माझ्ने ब्रस खाएर आत्महत्या गर्ने प्रयास गरेका थिए।

द मिरर अनलाइनमा उल्लेख भए अनुसार, त्यस समय ब्रसको असर केही देखिएन। यसका साथै उनले एचआइभीको औषधी सुरू गरेका कारण त्यसपछि भने आत्महत्याको प्रयास गरेनन्।  

कैदी जीवनपछि उनी वैवाहिक जीवन तथा अन्य काममा अल्झिए जसको कारण उनले निलेको ब्रसको हेक्का नभएको उनले मिरर अनलाइनलाई बताए।
  
डाक्टरका अनुसार, उक्त ब्रस उनको पेटको सानो आन्द्रामा फसेको थियो। यदि ब्रस उनको कलेजोमा पुगेको भए उनको ज्यानलाई ठूलो खतरा हुन सक्थ्यो।