सुनमा फेरि नयाँ रेकर्ड : तोलाको ७१ हजार पुग्यो 

काठमाडौं- पहेँलो धातु सुनले हरेक दिन नयाँ रेकर्ड कायम गरेको छ । मंगलबार (आज) पनि तोलामा १ हजारले बढेर नयाँ रेकर्ड कायम गरेको हो । 

पछिल्लो समयमा सुनको मुल्य लगातार बढी रहेको छ । एक सातामा तीन हजार रुपैयाँले सुनको मुल्य बढेको छ । गत साउन २१ गते सुन प्रतितोला ६८ हजार रुपैयाँ थियो । मंगलबार तीन हजार रुपैयाँले बढेर ७१ हजार रुपैयाँमा कारोबार भइरहेको छ ।
 
विहिबार ७० हजार रुपैयाँमा कारोबार भएको सुन मंगलबार ७१ हजार प्रतितोला पुगेको छ । 

पछिल्लो समयमा युरोपमा भएको आर्थिक मन्दी, अमेरिका र चिनविचको व्यापार युद्ध र इरानमा अमेरिकाले लगाएको प्रतिवन्धका कारण लगानीकर्ताहरु सुनतर्फ आकर्षित हुदा सुनको मुल्य बढेको हो। 

यसदिन चाँदी प्रतितोला ८३५ रुपैयाँमा कारोबार भइरहेको छ ।