काठमाडौं- प्रधानमन्त्री केपी शर्मा ओली १० दिने सिंगापुर भ्रमण सकेर सोमबार स्वदेश फर्किएका छन्।
उनी दिउँसो १२ः२५ मा थाई एयरबाट त्रिभुवन अन्तर्राष्ट्रिय विमानस्थलमा अवतरण गरेको ओलीका प्रेस संयोजक चेतन अधिकारीले नेपाल समयलाई जानकारी दिए ।
शुक्रबार नै स्वदेश फर्किने भनिए पनि उनको स्वास्थ्य परीक्षणको काम नसकिएकाले प्रधानमन्त्री ओली सोमबार फर्किएका हुन् ।
प्रधानमन्त्री ओली नियमित स्वास्थ्य परीक्षणका लागि यही साउन १८ गते सिंगापुर गएका थिए। प्रधानमन्त्री ओलीको सिङ्गापुरस्थित नेसनल युनिभर्सिटी हस्पिटलमा स्वास्थ्य परीक्षण भएको थियो ।
प्रधानमन्त्रीका साथमा उनकी धर्मपत्नी राधिका शाक्य, मुख्य राजनीतिक सल्लाहकार विष्णुप्रसाद रिमाल, निजी चिकित्सक डा दिव्यासिंह शाह, स्वकीय सचिव राजेश बज्राचार्यसहित नौ सदस्य सिंगापुर गएका थिए।
प्रकाशित: Dec 31, 2017| 18:23 आइतबार, पुस १६, २०७४