काठमाडौं- कांग्रेस नेता गगनकुमार थापाले सरकारले संसद्लाई नटेरेको आरोप लगाएका छन् ।
उनले आइतबार प्रतिनिधिसभा बैठकमा भने, ‘संसदमा जति बोले पनि सरकारले त्यसप्रति ध्यान दिएन । संसदभित्र जबाफ नआए बाहिर बोल्न बाध्य नपारियोस् ।’
संसद्को शून्य र विशेष समयमा उठेको प्रश्नको जबाफ सम्बन्धित मन्त्रीले पाँच दिनभित्र दिनुपर्ने व्यवस्था छ । तर सरकारले त्यो व्यवस्था उल्लंघन गरेको आरोप विपक्षी दलको छ । नेता थापाले संसदमा उठेका प्रश्नको जबाफ पाँच दिनभित्र दिनैपर्ने बताए ।
संसद्को गरिमालाई कमजोर पार्ने खेलमा नलाग्न समेत उनले सरकारलाई चेतावनी दिए । संसदमा उठेको मुद्दा सुनवाइ नभएको भन्दै सांसदहरुले आपत्ति जनाउँदै आएका छन्।
प्रकाशित: Dec 31, 2017| 18:23 आइतबार, पुस १६, २०७४