एजेन्सी- इंग्लिस प्रिमियर लिग फुटबलको उद्घाटन खेलमा नर्विच सिटीलाई पराजित गर्दै लिभरपुलले सानदार सुरुवात गरेको छ । शुक्रबार राती सम्पन्न खेलमा नर्विचलाई ४-१ गोलले पराजित गर्दै लिभरपुलले सानदार सुरुवात गरेको हो।
आत्मघाती गोलबाट घरेलु मैदानमा अग्रता बनाएको लिभरपुलले पहिलो हाफमा नै ४-० ले अघि बढेको थियो। खेलको सातौ मिनेटमा नर्विचका ग्रान्ट ह्यानको आत्मघाती गोलबाट लिभरपुलले अग्रता बनाएको थियो । १९ औं मिनेटमा स्ट्राइकर मोहमद सलाहाले लिभरपुलको अग्रता दोब्बर पारे ।
२८ औं मिनेटमा भर्जिल भान डिजिकले गोल गर्दै लिभरपुलको अग्रता तेब्बर पार्दा ४२ औं मिनेटमा डिभोक ओरिजीले गोल गर्दै पहिलो हाफमा नै लिभरपुललाई ४-० को अग्रता दिलाएका थिए ।
दोस्रो हाफमा भने लिभरपुलले कुनै थप गोल गर्न सकेन। नवप्रवेसी नर्विचले एक गोल फर्काएको थियो । खेलको ६४ औं मिनेटमा टिमु पुक्कीले गोल गर्दै खेलमा फर्किने प्रयास गरेका थिए ।
तर, नर्विचले थप गोल गर्न नसक्दा खेल ४-१ ले गुमाएको हो । यस जितसँगै प्रिमियर लिगको उपाधि दाबेदार लिभरपुलले ३ अंक जोडेको छ ।
प्रकाशित: Dec 31, 2017| 18:23 आइतबार, पुस १६, २०७४