काठमाडौं- ललितपुरको जावलाखेल चोकमा मोबाइल पसलमा कार ठोक्किएको छ ।
भैँसेपाटी जाने सडकतर्फ रहेको नेपाल टेलिकमको कार्यालयसँगैको मोबाइल पसलमा बिहान ५ बजेतिर बी एए ०९४५ नम्बरको कार ठोक्किएको हो । दुर्घटनापछि कार चालकलाई प्रहरीले पक्राउ गरेको छ।
चालकले मापसे गरेर कार चलाएका कारणले दुर्घटना भएको हुन सक्ने प्रहरीको भनाइ छ । प्रहरीका अनुसार कारको अगाडिको भाग कुच्चिएको छ भने कार चालक सामान्य घाइते भएका छन् । मोबाइल पसलमा पनि क्षति पुगेको प्रहरीले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४