१. पाकिस्तानले भारतसँगको व्यापारिक एवम् कुटनीतिक सम्बन्धमा नयाँ शिराबाट सोच्नु पर्ने भन्दै महत्वपूर्ण निर्णय गरेको छ । त्यसअन्तर्गत कुटनीतिक सम्बन्धका गतिविधिहरुलाई विस्तारै घटाउँदै लैजाने भएको छ ।
२. भारतकी पूर्व विदेश मन्त्री सुष्मा स्वराजको मङ्गलबार राति निधन भएको छ । उनी ६७ वर्षकी थिइन् ।
३. तान्जानियाली वन विभाग (टीएफएस) ले मुलुकको मह उत्पादन वृद्धि गर्ने महत्वाकांक्षी योजना अगाडि सारेको छ । पूर्वी अफ्रिकी मुलुक तान्जानियामा हाल ५५ हजार टन मह उत्पादन हुने गरेको छ ।
आगामी वर्षदेखि वार्षिक एक लाख ३५ हजार टन मह उत्पादन गरिने योजना अघि सारिएको छ ।
४. संयुक्त राष्ट्र बालकोष (युनिसेफ) ले सर्वसाधारण जनतामाथि जथाभावी आक्रमण नगर्न लिबियाका द्वन्द्वरत पक्षहरुलाई आग्रह गरेको छ । लिबियामा हाल राष्ट्रसंघको समर्थनप्राप्त सरकार र पूर्वी क्षेत्रमा सक्रिय विद्रोही लडाकूबीच सशस्त्र संघर्ष जारी छ ।
युनिसेफद्वारा जारी विज्ञप्तिमा लिबियाको दक्षिणीमा रहेको मुर्जुक शहरमा भएको एउटा आक्रमणमा मारिएका अधिकांश व्यक्तिहरुमा महिला र बालबालिका परेकामा खेद व्यक्त गरिएको छ ।
५. अफगानिस्तानको राजधानी काबुलमा बुधबार तालिबान आतङ्ककारी समूहले गराएको कारबम विस्फोटमा परी कम्तीमा ९५ जना घाइते भएका छन् । यस भीषण कार बम आक्रमणपछि राजधानी काबुलको पश्चिमी भाग धुवाँले भरिएको जनाइएको छ ।
६. तालिबान लडाकूहरुको आक्रमणमा परी अफगानिस्तानमा बुधबार कम्तीमा १४ जनाको मृत्यु भएको छ । स्थानीय अधिकारीहरुका अनुसार शान्ति सम्झौताको प्रयास भइरहेका बेला भएको घटनामा अन्य १४५ जना घाइते भएका छन् । राजधानी काबुलदेखि पश्चिमतर्फ रहेको प्रहरी कार्यालय परिसरमा स्थानीय समयअनुसार बुधबार विहान ९ बजे विस्फोटनको घटना भएको थियो । विस्फोटपछि प्रहरी कार्यालय क्षेत्रमा कालो धूवाँ फैलिएको स्थानीय प्रत्यक्षदर्शीहरुले जानकारी दिएका छन् ।
७. प्रशान्त महासागरीय द्वीप राष्ट्र भानुआटुमा बुधबार ५.९ रिक्टर स्केलको भूकम्प गएको छ ।
अमेरिकी सर्वेक्षण संस्था (युएसजिएस) का अनुसार स्थानीय समयानुसार मङ्गलबार ९.१४ बजे बिहान सो भूकम्प आएको थियो ।
यस भूकम्पको केन्द्रविन्दु भानुआटुको राजधानी शहर पोर्ट भिलाबाट ४३ किलोमिटर दक्षिणपूर्वमा रहेको इलाकाको १४९.८ किलोमिटर गहिराईमा रहेको थियो ।
८. अमेरिकाको उत्तरी क्यालिफोर्निया क्षेत्रमा सामुदायिक भवनको रुपमा पहिलो भवन निर्माण सम्पन्न गरिएको छ । जसमा सामुहिक रुपमा हत्या गरिएका मृतकहरुको स्मरण गरिनेछ ।
९. युक्रेन र रुसका राष्ट्रपतिहरुले फोन वार्ताबाट दुईपक्षीय हितका कुरा गरेका छन् ।
विशेषगरी दनबास क्षेत्रबारे रुस र युक्रेनको चासोबारे चर्चा गरेका छन् ।
१०. यमनमा हुथी विद्रोहीहरुबाट हत्या गरिएका सयौं व्यक्तिहरुको सामूहिक अन्तिम संस्कार गरिएको छ ।
प्रकाशित: Dec 31, 2017| 18:23 आइतबार, पुस १६, २०७४