काठमाडौं- सरकारी कार्यालयमा एक महिनाभित्रै अटोमेसिन कार्यान्वयनमा ल्याउन मुख्य सचिव शंकरदास बैरागीले निर्देशन दिएका छन्।
बुधबार सबै सचिवहरूलाई प्रधानमन्त्री तथा मन्त्रिपरिषद्को कार्यालयमा बोलाएर मुख्य सचिव बैरागीले उक्त निर्देशन दिएका हुन्। प्रधानमन्त्री तथा मन्त्रिपरिषद्को कार्यालयका प्रवक्ता कृष्णबहादुर राउतले सिंहबार भित्र साउन भित्रै र बाहिरका सरकारी कार्यालयमा एक महिनाभित्र अटोमेसन लागू गर्न सबै सचिवहरूलाई निर्देशन दिइएको बताए।
प्रवक्ता राउतका अनुसार सचिव बैरागीले सरकारी कामकाजमा सरकारी इमेल नै प्रयोग गर्न पनि निर्देशन दिएका छन्। यसअघिको बैठकमा मुख्यसचिव बैरागीले 'डिजिटल नेपाल फ्रेमवर्क' कार्यान्वयनको अवस्था सञ्चार तथा सूचना प्रविधि मन्त्रालयका सचिवबाट जानकारी लिएका थिए।
यस्तै छलफलमा मुख्य सचिव बैरागीले सरकारी कार्यालयमा एक महिनाभित्रै अटोमेसिन कार्यान्वयनमा ल्याउनसमेत निर्देशन दिएका छन्।
कार्यालयका प्रवक्ता राउतका अनुसार सिंहबार भित्र साउन भित्रै र बाहिरका सरकारी कार्यालयमा एक महिनाभित्र अटोमेसन लागू गर्न सबै सचिवलाई निर्देशन दिइएको छ।