काठमाडौं - नुवाकोट घर भई हाल काठमाडौंको माउन्टेन टिभीमा कार्यरत पत्रकार सालिग्राम पुडासैनीको मृत्यु प्रकरणमा छानविनको माग भएको छ। मंगलबार प्रतिनिधि सभाको बैठकमा सांसद नारायणप्रसाद खतिवडाले पुडासैनीको घटना छानविनको माग गरे।
सांसद खतिवडाका अनुसार मृतक पुडासैनीको दाहिने खुट्टा खाटमा छोएको थियो। होटलको सीसीटीभी क्यामेरा बिग्रेको र मृतकको झोला पनि नरहेको भन्दै घटना संकास्पद रहेको भन्दै सांसद खतिवडाले छानविनको माग गरे।
पुडासैनी चितवनस्थित कंगारु होटलमा मृत फेला परेका थिए। उनको पासोमा झुण्डिएको तस्बीर बाहिर आएको छ।
प्रकाशित: Dec 31, 2017| 18:23 आइतबार, पुस १६, २०७४