काठमाडौं - नेपाली कांग्रेसका नेता एवं काठमाडौं क्षेत्र एकका सांसद प्रकाशमान सिंह अस्पताल भर्ना भएका छन्।
केही दिनदेखि विरामी परेका सिंहलाई सोमबार मेडिसिटी अस्पतालमा भर्ना गरिएको हो।
सिंहका स्वकीय सचिव यूपी लामिछानेका अनुसार उच्च ज्वरो, सुगर तथा पिसाबमा समस्या भएका सिंहलाई डाक्टरले केही दिन आराम गर्न भनेका थिए। तर धपेडी पछि उनी विरामी परेकोले अस्पताल भर्ना गर्नु परेको लामिछानेले बताए।
डाक्टरको सुझाव अनुसार सिंह अझै केही दिन अस्पतालमै आराम गर्नेछन्।
प्रकाशित: Dec 31, 2017| 18:23 आइतबार, पुस १६, २०७४