काठमाडौं- आफू अपहरणमा परेको भन्दै परिवारबाट पैसा असुल्ने र अपहरणको हल्ला फैलाउने तीनजना जना पक्राउ परेका छन्।
जिल्ला प्रहरी कार्यालय पर्साले बिन्दवासिनी गाउँपालिकाका उपनेश चौरासिया र सनुप दास तत्वालाइ पक्राउ गरि अनुसन्धान सुरु गरेको छ।
त्यस्तै आफू अपहरणमा परेको भन्दै दिदी भिनाजुबाट पैसा असुल्ने वीरगंज महानगरपालिका–१६ इनर्वाका अरमान भन्ने महमद तबरेज आलम ठकुराईलाई पर्सा प्रहरीले नियन्त्रणमा लिई अनुसन्धान सुरु गरेको छ।
पर्सा प्रहरीले सिसिटिभी फुटेजको आधारमा उनीहरुलाई पक्राउ गरिएको जनाएको छ। पर्साका प्रहरी प्रमुख एसपी सोमेन्द्र सिंह राठौरका अनुसार चौरासिया र दासले रक्सौल पुगेर अपहरणको हल्ला फैलाएका थिए।
आर्थिक कारोबार बिग्रेका महमद तबरेज आलम ठकुराई पैसा असुल्ने उदेश्यले अपहरणमा परेको भन्दै माग अनुसारको रकम नदिए आफ्नो हत्या हुने भन्दै आफ्नै दिदीलाई फोन गरेका थिए।
प्रहरीले उनको मोबाइलको लोकेशन ट्रयाक गर्दा ठकुराई चितवनमा रहेको पत्ता लागेको थियो। उनलाई मंगलबार भैरहवाबाट प्रहरीले नियन्त्रणमा लिएर अनुसन्धान सुरु गरेको थियो।
प्रकाशित: Dec 31, 2017| 18:23 आइतबार, पुस १६, २०७४