काभ्रे- काभ्रेको बनेपामा भएका दुई छुट्टाछुट्टै सवारी दुर्घटनामा दुईजनाको मृत्यु भएको छ। एकजना गम्भीर घाइते भएका छन्।
काठमाडौबाट बनेपातर्फ गइरहेको बा १७ च ८११२ नम्बरको स्करपियोले ठक्कर दिँदा बा ५७ प ९४६० नम्बरको मोटर साइकल चालक रविन थापाको मृत्यु भएको छ।
बनेपाको साझा पेट्रोल पम्प नजिकै सिन्धुपाल्चोकको सुनकोसी गाँउपालिकाले प्रयोग गदै आएको स्करपियोले ठक्कर दिँदा मोटरसाईकल चालक बनेपा- १२ का ३१ वर्षीय थापाको मृत्यु भएको हो।
उक्त मोटरसाइकलमा सवार वनेपा १२ का २१ वर्षीय सविन थापा गम्भीर घाइते भएका छन्। उनको विएण्ड वि अस्पतालमा उपचार भैरहेको छ।
धुलिखेलबाट बनेपातर्फ आइरहेको ट्रकले ठक्कर दिँदा एक युवतीको घटना स्थलमै मृत्यु भएको छ।
ट्रक चालक नियन्त्रणमा छन् भने मृतक महिलाको पहिचान हुन नसकेको जिल्ला प्रहरी कार्यालय काभ्रेका प्रमुख एसपी जयराज सापकोटाले जानकारी दिएका छन्।
प्रकाशित: Dec 31, 2017| 18:23 आइतबार, पुस १६, २०७४