एजेन्सी- ला लिगाको नयाँ सिजन २०१९-२० सुरु हुँदै छ । यससँगै ब्राजिलियन डिफेन्डर मार्सेलोको रियलमा १४ औं सिजन सुरु हुने छ ।
४ च्याम्पियन्स लिग, ४ क्लब विश्वकप, ३ युइएफ सुपर कप, ४ ला लिगा, २ कोपा डेल’रे र ३ स्पेनिस सुपर कपको उपाधि जितेका मार्सेलोको नयाँ सिजन झनै उत्साह हुने आसा गरिएको छ ।
किनकी रियलले यस सिजन जिनेदीन जिदानलाई प्रशिक्षकको रुपमा पुनः क्लबमा अनुबन्ध गरेको छ भने केही विश्व फुटबलका उत्कृष्ट खेलाडीलाई समेत अनुबन्ध गरेका छ ।
रियलको उपकप्तान समेत रहेका मार्सेलो रियलमा सबै भन्दा बढी सिजन बिताउने विदेशी खेलाडी समेत हुन् । मार्सेलोले आफ्नो व्यवसाहिक फुटबल जीवनको उत्कृष्ट सम्झौता रियलसँग गरेका हुन् ।
घरेलु लिग क्लबमा दुई सिजन बिताएका उनले त्यसपछिका सबै सिजन रियलमा रहे । उनले आफ्नो खेल प्रदर्शन र महानतालाई सधै स्थिरतामा राखे । टिमका लागि उनको आक्रमक शैली सबै भन्दा महत्वपूर्ण छ । जसले पछिल्लो ११ सिजनमा ३६ गोल गरेका छन् ।
रियल मड्रिडका लागि विदेशी खेलडीको रुपमा उनले ४८६ खेल खेलका छन् । यससँगै उनी क्लबका लागि सर्वाधिक खेल खेल्ने विदेशी खेलाडीको दोस्रो स्थानमा छन् । पहिलो स्थानमा ५२७ खेल खेलेका रोबर्टो कार्सोस छन् ।
तर, मार्सेलोले आफ्ना पूर्व खेलाडीको तुलनामा ३३५ भन्दा बढी खेल जितेका छन् । यसको मत्लब यो हो की मार्सेलो रियलको इतिहासमा सर्वाधिक खेल जित्ने पहिलो विदेशी खेलाडी समेत हुन् ।
प्रकाशित: Dec 31, 2017| 18:23 आइतबार, पुस १६, २०७४