काठमाडौं - निर्वाचन आयोगले प्रतिनिधिसभा, प्रदेशसभा र स्थानीय तहमा रिक्त रहेका स्थानहरुमा मसिंर १४ गते निर्वाचन गराउन सिफारिस गरेको छ।
राजनीतिक दलहरुसँगको परामर्शपछि आयोगले निर्वाचनका लागि उक्त मिति उपयुक्त हुने भन्दै सिफारिस गरेको हो।
बिहीबार राजनीतिक दलहरुसँगको छलफलपछि आयोगले सरकारलाई आफ्नो परामर्शसहितको उक्त सिफारिस गरेको हो।
मन्त्रिपरिषद्ले मिति घोषणा गर्न भने बाँकी छ। स्थानीय तहको निर्वाचनको मिति आयोगको परामर्शमा सरकारले तथा प्रतिनिधिसभा र प्रदेशसभा उपनिर्वाचनको मिति सरकारसँगको परामर्शमा आयोगले तोक्ने कानुनी प्रावधान छ।
तीनवटै तहका रिक्त कुल ५० स्थानमा एकै दिन निर्वाचन गराउन आयोगको सुझाव छ। प्रतिनिधिसभा सदस्य–१, प्रदेशसभा सदस्य–३, नगरपालिका प्रमुख– १, गाउँपालिका अध्यक्ष–३, गाउँपालिका उपाध्यक्ष–१ र वडाध्यक्ष–४१ पदहरु रिक्त छन्। तीनवतै तहको निर्वाचन २०७४ सालमा भएको थियो।
प्रकाशित: Dec 31, 2017| 18:23 आइतबार, पुस १६, २०७४