पिएसजीको जितमा एमबाप्पे र काभानीको गोल 

एजेन्सी- फ्रेन्च लिग वान च्याम्पियन क्लब पेरिस सेन्ट जार्मन (पिएसजी)ले मैत्रिपूर्ण खेलमा सिडनीलाई पराजति गरेको छ । चीनमा मंगलबार भएको क्लब मैत्रिपूर्ण खेलमा अष्ट्रेलियन ए लिग क्लब सिडनीलाई ३-० गोलले पराजित गरेको हो । 

पिएसजीको जितमा युवा स्टार केलियन एमबाप्पे, एडिसन काभानी र मेहेतन गुक्लुले एक एक गोल गरे । पहिलो हाफमा दुबै गोल सम्भव भएका थिए भने एक गोल दोस्रो हाफमा भएको थियो। खेलको ३८ औं मिनेटमा एमबाप्पेले गोल गर्दै पिएसजीलाई अग्रैता दिलाए । 

उनले जुआन बेर्नटको पासमा गोल गरेका हुन् । त्यस्तै पहिलो हाफ सकिन दुई मिनेट बाँकी हुँदा काभानीले गोल गर्दै पिएसजीको अग्रता दोब्बर पारे । त्यसपछि दोस्रो हाफमा थप आक्रमक खेल खेल्दै पकड जमाए पनि पिएसजीले थप गोल गर्न लामाे समयको प्रतिक्ष गर्नु पर्यो । खेल सकिन १ मिनेट बाँकी हुँदा मेहेतन गुक्लुले गोल गरे । 

यस खेलमा चीन पुगेका ब्राजिलियन स्टार स्ट्राइकर नेयमार भने मैदानमा उत्रिएनन् । उनी भर्खरै चोट मुक्त भएकाले मैदानमा उतारेर रिस्क नलिएको प्रशिक्षक थोमस टुचेलले बताएका छन् ।