विश्वको प्रसिद्ध विश्वविद्यालयबाट दुई–दुई वटा विषयमा मास्टर्स गरेको मान्छेले के काम गर्ला जस्तो लाग्छ? त्यसमाथि पूर्वमन्त्री पनि रहेका मान्छेले कुनै ठूलै काम गरिरहेको होलान् भन्ने अनुमान गरिन्छ?
तर, आफ्नो विषयमा २० वर्ष काम गरेका तथा देशको मन्त्री पनि भइसकेका एक जना व्यक्ति आफूसँग भएको पैसा सकिएपछि पिज्जा डेलिभरीको काम गरिहरेका छन्।
अफगानिस्तानका पूर्वमन्त्री शइद अहमद शाह सदतले पिज्जा पुर्याउने काम गरिरहेका हुन्। उनले जर्मन सहर लाइपजिकमा डेलिभरी ब्वाइका रूपमा काम गर्दै गरेको तस्बिर हालै सार्वजनिक भएको हो। उनी असरफ घानीको मन्त्रीमण्डलमा सूचना तथा सञ्चार मन्त्री थिए।
शदतले अक्सफोर्ड विश्वविद्यालयबाट दुईवटा विषयमा मास्टर्स डिग्री गरेका छन्। उनले इन्जिनियरिङमा एउटा र सञ्चारमा अर्को मास्टर्स गरेका छन्।
पिजा पुर्याउनेहरूले लगाउने सुन्तले रंगको ज्याकेट र माउन्टेन बाइकमा चढेर काममा लागेको फोटो एल जजिराले ट्वीटरमा सार्वजनिक गरेको थियो। शदतले सो फोटो आफ्नो भएको स्काइ न्यूजसँग पुष्टि गरेका थिए।
आफूसँग भएको पैसा सकिएपछि जर्मन कम्पनी लिभरानोमा डेलिभरी व्वाइको रूपमा काम गरिरहेको शदतले बताए। आफ्नो कथाले एसिया तथा अरब विश्वका उच्च पदस्थ मानिसहरूलाई फरक ढंगले सोच्न सहयोग गर्ने उनको अपेक्षा छ।
शदतले अक्सफोर्ड विश्वविद्यालयबाट दुईवटा विषयमा मास्टर्स डिग्री गरेका छन्। उनले इन्जिनियरिङमा एउटा र सञ्चारमा अर्को मास्टर्स गरेका छन्। उनले यसअघि झण्डै २० वटा कम्पनीमा विभिन्न ओहोदामा काम गरेका थिए। त्यस क्रममा उनले १३ वटाभन्दा बढी देशमा सेवा गरेका थिए। उनीसँग २३ वर्ष कार्य अनुभव छ।