नक्कली नोटसहित २ भारतीय पक्राउ

धनगढी- धनगढी बजारमा सुन किन्दै गरेको अवस्थामा नक्कली भारतीय नोटसहित दुई भारतीय पक्राउ परेका छन्।

धनगढी उपमहानगरपालिका-१ हुलाक नजिकबाट चालिस हजार नौ सय नक्कली रुपैयासहित दुई जना पक्राउ परेका हुन्। 

जिल्ला प्रहारी कार्यालयका प्रवक्ता प्रहरी नायव उपरीक्षक दक्ष बस्नेतले एक सयका नोटसहित भारत लख्खिमपुर खिरी बस्ने २२ वर्षीय सुरजित सिंह र २३ वर्षीय श्रवण सिंह पक्राउ परेको जानकारी दिए।

उनीहरुले एक सुन पसलमा सुन किन्ने नक्कली नोट दिएपछि व्यापारीले प्रहरीलाई खवर गरेका थिए।

उनीहरुले उक्त नक्कली नोट भारतीय एक व्यक्तिले दिएको बताएको र त्यसबारे अनुसन्धान भैरहेको बस्नेतले जानकारी दिए।

उनीहरु बिरुद्ध प्रहरीले खोटा मुद्धा अपचलनको मुद्दा चलाएको जनाएको छ।