यसकारण केही समय बसेर स्थगित भयो नेकपा बैठक 

काठमाडौं – विभागको टुंगो, कार्य बिभाजन लगायतका विषयमा सोमबार बसेको सचिवालयको बैठक केही बेर बसेर बिना निष्कर्ष सकिएको छ। 

विभागको नेतृत्वका विषयमा नेताहरुको आ-आफ्नै अडान कायम रहेपछि बैठक बिना निष्कर्ष सकिएको हो। पार्टीका प्रवक्ता नारायाणकाजी श्रेष्ठले विभागमा रहने नेताहरुको रुची बुझ्न बैठक स्थगित गरेको जानकारी दिए। 

लगातर तीन पटक सरेर सोमबार प्रधानमन्त्री निवास बालुवाटारमा बसेको बैठक साउन २८ गतेसम्मलाई स्थगित भएको छ। पार्टीको स्कूल विभागमा प्रवक्ता नारायाणकाजी श्रेष्ठ र सचिवालय सदस्य ईश्वर पोखरेले आआफ्नै दावी रहेकोले बैठक स्थगित हुँदै आएको छ।