सिरहा- सिरहाको अर्नामा गाउँपालिका–४ लक्ष्मीपुर गाउँमा पोखरीमा डुबेर दाजु बहिनीको मृत्यु भएको छ।
स्थानीय विमल यादवका १० वर्षीय छोरा दिपक र सात वर्षीया छोरी नन्दनीको आइतबार साँझ पोखरीमा डुबेर मृत्यु भएको हो ।
बिहान करिब ११ बजेतिर खेल्न निस्किएका दाजु बहिनी बेलुकासम्म घर नफर्किएपछि खोजी गर्ने क्रममा पोखरीमा मृत फेला परेको जिल्ला प्रहरी कार्यालय सिरहाले जनाएको छ । घटनाबारे अनुसन्धान भइरहेको प्रहरीले बताएको छ।
त्यसअघि आइतबार अपराह्न नै सिरहा नगरपालिका–३ मखनाहामा बाढीको पानी जमेको खाल्डोमा डुबेर ११ वर्षीया काजल दासको मृत्यु भएको थियो।
प्रकाशित: Dec 31, 2017| 18:23 आइतबार, पुस १६, २०७४