काठमाडौं- सशस्त्र प्रहरीले विपद् व्यवस्थापन सम्बन्धी तालिम सुरु गरेको छ। सि.सं. ३२ विपद् व्यवस्थापन तालिम शिक्षालय कुरीनटारमा आइतबार सुरु भएको हो।
उक्त तालिममा सशस्त्र प्रहरी नायव उपरीक्षक ६ जना तथा सशस्त्र प्रहरी निरीक्षक १८ जना गरी जम्मा २४ जना प्रशिक्षार्थीहरुको सहभागिता रहेको छ।
विपत व्यवस्थापन तालिमको उद्घाटन गदै सशस्त्र प्रहरी महानिरीक्षक शैलेन्द्र खनालले विपद् व्यवस्थापनको क्षेत्रमा शिक्षालयबाट उत्पादित दक्ष सशस्त्र प्रहरी खोज तथा उद्वार कार्यमा निर्वाह गरेको अग्रणी भूमिका प्रसंशनीय रहेको बताए।
विपद् व्यवस्थापनका लागि ज्ञान तथा कला कौशलको आवश्यकता पर्ने बताउँदै खनालले संवेदनशील, जोखिमयुक्त तथा कठिन कार्य भएकोले उद्वारकर्तामा उच्चस्तरको शारिरीक तथा मानसिक दक्षता समेत आवास्यक पर्ने बताए।
कार्यक्रममा सशस्त्र प्रहरी अतिरिक्त महानिरीक्षक रामशरण पौडेल सशस्त्र प्रहरी बरिष्ठ उपरीक्षक किशोर प्रधान सहितको उच्च उधिकृतले तालिम दिएका थिए।
प्रकाशित: Dec 31, 2017| 18:23 आइतबार, पुस १६, २०७४