काठमाडौं- ग्लोबल छनोटमा स्थान बनाउन नेपाललई घरेलु टोली सिंगापुरले १ सय ९२ रनको विशाल लक्ष्य सुम्पको छ । टस जितेर पहिले ब्यटिङ गरेको सिंगापुरले निर्धारित २० अेभरमा ६ विकेट गुमाउँदै १ सय ९१ रन जोडेको हो ।
सिंगापुकारका लागि टिम डेभिडले उत्कृष्ट ७७ रनको अर्धशतकीय पारी खेले पछि नेपालले विशाल लक्ष्य पाएको हो । डेभिडले मात्र ४३ बलमा ८ चौका र ३ छक्काको मद्दतमा ७७ रन जोडेका हुन् । उनले तेस्रो विकेटका लागि मनप्रीत सिंहसँग ६६ रनको साझेदारी गरे ।
विकेटकीपर ब्याट्सम्यान मनप्रीतले ४२ रन जोडे । उनले २७ बलमा ३ चौका र २ छक्का प्रहार गर्दै ४२ रन जोडको हुन् । टिमको १० रन पुग्दा पहिलो विकेटको रुपमा सुरेन्द्रन चन्द्रमोहनलाई गुमाएको सिंगापुरका लागि रोहन रंगराजन र डेभिडले उत्कृष्ट साझेदारी गरे । रंगराजन र डेभिडले दोस्रो विकेटका लागि ८९ रनको साझेदारी गरेका थिए ।
नेपालका लागि बसन्त रेग्मी र सन्दीप लामिछाने महंगा बलर साबित भए । बसन्तले चार ओभरमा विना कुनै विकेट ५४ रन खर्चदा सन्दीपले तीन ओभरमा विना कुनै विकेट ३४ रन खर्चे । अभिनास बोहराले चार ओभरमा ३५ रन खर्चर्द चार विकेट लिए । त्यस्तै करन केसीले दुई विकेट लिए ।
प्रकाशित: Dec 31, 2017| 18:23 आइतबार, पुस १६, २०७४