पहिरोले गाडी पुरिँदा ३ को मृत्यु, ७ घाइते

रसुवा- रसुवाको गोसाईकुण्ड गाउँपालिमा पहिरोले गाडी पुर्दा त्यसमा सवार ३ जनाको मृत्यु भएको छ। पहिरोमा परेर अन्य ७ जना घाइते भएका छन्।

शनिबार गोसाईकुण्ड–२ तातोपानी डाँडाबाट पहिरो खस्दा काठमाडौंबाट जाँदै गरेको ना १ ज ७८२४ नम्बरको टाटासुमो गाडी पुरिएको हो। 

माथिबाट झरेको पहिरोले गाडी पुरिँदा ३ जनाको घटनास्थलमै मृत्यु भएको प्रहरीले जनाएको छ।

गाडीमा पुरिएर घाइते भएकाहरुलाई उद्धार गरी उपचारका लागि पठाइएको छ।

प्रहरीले गाडीमा १० जना सवार रहेको र प्रारम्भिक जानकारी प्राप्त भएको जनाएको छ। घटनाको थप विवरण आउन बाँकी छ।