नेपाललाई जितका लागि १४२ रनको लक्ष्य

काठमाडौं- सिंगापुरका जारी आइसिसी टी-२० विश्वकप छनोट अन्तर्गत एसिया क्षेत्रिय छनोटमा कुवेतले नेपाललाई जितका लागि १ सय ४२ रनको लक्ष्य सुम्पेको छ । टस हारेर पहिले ब्याटिङको निम्तो पाएको कुवेतले निर्धारित २० ओभरमा ९ विकेट गुमाउँदै १ सय ४१ रन जोडेको हो । 

खराव सुरुवात गरेको कुवेतका लागि आनन्द इड्रेसले २५ रन जोडे । उनले १४ बलमा ५ चौका प्रहार गर्दै २५ रन जोडेका हुन् । दोस्रो ओभरको पहिलो बलमा नै ओपनर ब्याट्सम्यान मीट भावसरलाई ५ रनमा गुमाएको बुवेतले दोस्रो विकेटको रुपमा छैठौं ओभरको पहिलो बलमा रभिजा सन्दरुवानलाई १५ रनमा गुमायो । 

त्यस्तै सोहि ओभरको अन्तिम बलमा आनन्द इड्रेसलाई गुमाउँदा चौथो विकेटको रुपमा बिलाल ताहशीरलाई १३ रनमा गुमायो । पाँचौ विकेटको रुपमा उस्मान वाहीदलाई शुन्य रनमा गुमाउँदा छैठौं विकेटको रुपमा मोहम्मद अस्लाम २३, शिरज खान शुन्य, मोहम्मद अहसान ४ र जन्डु हमोउन्ड २ रनमा आउट भए । 

कप्तान मुहम्मद कासिफ ४९ रनमा अविजित हरे । उनले ३६ बलमा २ चौका र ४ छक्का प्रार गर्दै ४९ रन जोडेका हुन् । इयास अहमद १ रनमा अविजित रहे । नेपालका लागि बसन्त रेग्मी र सन्दीप लामीछानेले समान तीन तीन विकेट लिए । त्यस्तै करन केसीले दुई तथा अभिनास बोहराले एक विकेट लिए ।