कोस्टाको ह्याट्रिकमा रियलको लज्जासपद हार

एजेन्सी- अन्तर्राष्ट्रिय च्याम्पियन्स कप अन्तर्गत एथ्लेटिमको मड्रिडका स्ट्राइकर डिएगो कोस्टाले ह्याट्रिक गरेपछि रियल मड्रिडले लज्जासपद हार ब्यहोरेको छ । शनिबार बिहान भएको खेलमा रियलले मड्रिडसँग ७-३ गोलको लज्जासपद हार ब्याहोरेको हो । 

एथ्लेटिकोको जितका लागि डिएके कोस्टाले सर्वाधिक चार गोल गरे । त्यस्तै जोआओ फेलिक्स, एन्जल कोरेया र भिटोलोले एक एक गोल गरे । यता रियलका लागि नाचो र कारिम बेन्जेमा र जाभिर हेर्नान्डेजले एक एक गोल गरे । 

पहिलो हाफमा ५-० ले अग्रता बनाएको एथ्लेटिकोले दोस्रो हाफमा थप दुई गोल गर्दा तीन गोल खान पुगेको थियो । खेल सुरु भएको पहिलो मिनेटमा नै कोस्टाले गोल गर्दै अग्रता दिलाएका थिए । त्यसको सात मिनेट नबित्दै जोआओले गोल गर्दै एथ्लेटिकोको अग्रता दोब्बर पारे । 

१९ औं मिनेटमा एन्जेलोले गोल गर्दा २८ औं मिनेटमा कोस्टाले गाल गरे । पहिलो हाफको अन्तिम मिनेटमा कोस्टाले पोनाल्टीमा गोल गर्दै ह्याट्रिक पुरा गरेपछि एथ्लेटिको ५-० ले अगाढी बढेको हो । 

५१ औं मिनेटमा कोस्टाले ब्यक्तिगत चौथो गोल गर्दै एट्लेटिकोलाई ६-० को स्थितीमा लगे । ५९ औं मिनेटमा रियलका नाचो फर्नान्डेजले गोल गर्दै गोल अन्तर घटाउने काम गरे । ६५ औं मिनेटमा दुवै टिम १० खेलाडीमा समेटिए । 

रियलका ड्यानियल कार्भाजल र कोस्टा रातो कार्ड खादै मैदान बाहिरिए पछि दुबै टिम १० खेलाडीमा समेटिएका हुन् । ७० औं मिनेटमा भिटोलोले गोल गर्दै रियललाई ७-१ को अग्रता दिलाए ।

८५ औं मिनेटमा पेनाल्टीमा करिम बेन्जिमा र ८९ औं मिनेटमा जाभियर हर्नान्डेजले गोल गर्दै रियलको गोल अन्तर घटाउने काम गरेका थिए ।