एजेन्सी- श्रीलंकाका दिग्गज तिब्र गतिका बलर लासिथ मलिंगाले शुक्रबार बंगलादेशविरुद्धको खेल खेल्दै एकदिवसीय अन्तर्राष्ट्रिय क्रिकेटबाट सन्यास लिएका छन् । आफ्नो अन्तिम अन्तर्राष्ट्रिय एकदिवसीय क्रिकेटमा उत्कृष्ट प्रदर्शन गर्दै मलिंगाले सन्यास लिएका हुन् ।
मलिंगाले अन्तिम खेलमा बंगलादेशविरुद्ध ९.४ ओभर बलिङ गर्दै ३८ रन खर्चे । जहाँ उनले तीन विकेट समेत लिए । आफ्नो एकदिवसीय करियरको अन्तिम खेलमा तीन विकेट लिएसँगै उनले भारतीय दिग्गज लेग स्पिनर अनिल कुंबलेलाई पछि पारेका हुन् ।
मलिंगाले आफ्जनो एकदिवसीय क्रिमकेट जिवमा ३३८ विकेट लिए । जहाँ अनिलले ३३७ विकेट लिएका छन् । मलिंगा एकदिवसीय क्रिकेटमा विश्वकै सर्वाधिक विकेट लिने खेलाडीको नवौं स्थानमा छन् । त्यस्तै श्रीलंकाको तेस्रो स्थानमा छन् ।
आफ्नो १५ वर्षीय एकदिवसीय क्रिकेटमा उनले २२६ खेल खेल्दै यो उपलब्धी हात पारे । श्रीलंकाका लागि मुथैया मुरलीधर ५३४ विकेट लिँदै पहिलो स्थानमा छन् भने चामिन्डा वास ३९९ विकेट लिँदै दोस्रो स्थानमा छन् ।
३५ वर्षीय मलिंगाले आफ्नो क्रिकेट करियाका सबै खाले अन्तर्राष्ट्रिय क्रिकेटमा कुल ८१७ विकेट लिएका छन् । उनले एकदिवसीयमा ३३८ विकेट लिदाँ टी–२० ३७८ र टेस्टमा १०१ विकेट लिएका छन् ।
प्रकाशित: Dec 31, 2017| 18:23 आइतबार, पुस १६, २०७४