नारायणगढ-मुग्लिङ सडक अवरुद्ध

चितवन- नारायणगढ-मुग्लिङ सडकखण्ड अवरुद्ध भएको छ। सेतीदोभानमा पहिरो झर्दा सडक अबरुद्ध भएको हो।

भरतपुर महानगरपालिका-२९ मा पर्ने सेतीदोभानमा बिहीबार साँझ साढे ८ बजेतिर पहिरो झर्दा दुबैतर्फको सडक अवरुद्ध भएको जिल्ला प्रहरी कार्यलय चितवनले जनाएको छ।

पहिरोले सडक अवरुद्ध भएपछि उक्त सडकखण्ड भएर चल्ने सवारी साधनहरू मुग्लिङ बजार र रामनगरमा रोकिएका छन्।

अहिले पनि मुग्लिन-नारायणगढ सडकखण्डमा पानी परिरहेकोले सो क्षेत्र भएर आवतजावत गर्ने यात्रु र सवारी साधनहरूलाई वैकल्पिक सडक प्रयोग गर्न आग्रह गरिएको छ।