'रअका प्रमुख र प्रधानमन्त्रीबीच भेट भएकै छैन' (भिडियो)

काठमाडौं – सञ्चार तथा सूचना प्रविधि मन्त्री गोकुल बास्कोटाले रअका प्रमुख सामन्त गोयल र प्रधानमन्त्री केपी शर्मा ओलीबीच भेट नभएको दाबी गरेका छन् । 

मन्त्रिपरिषद् बैठकको निर्णय सार्वजनिक गर्न बिहीबार सञ्चार मन्त्रालयमा आयोजित पत्रकार सम्मेलनमा मन्त्री बास्कोटाले रअका प्रमुखले प्रधानमन्त्रीलाई भेटेको भनी आएको समाचारमा सत्यता नभएको दाबी गरेका हुन्।

“हामीलाई थाहा छैन । आएको हो र भेटेको हो भने पनि प्रचलित डिप्लोमेटिक प्रोटेकलकै आधारमा भेटघाटहरु हुनुपर्ने हुन्छ । त्यसैले प्रधानमन्त्री ज्यूले भेट्नुभएको छैन । यो रिउमर क्रेट गर्ने काम नगरौ । ककस्ले भेट्नुभयो हामीलाई थाहा पनि छैन । भेट्नै हुदैनथ्यो । हामीलाई त्यस्तो पनि लाग्दैन । तर म दावाका साथ भन्छु सम्माननीय प्रधानमन्त्री ज्यूले भेटघाट भए जस्तो, भेटे जस्तो, भेटेकै जस्तो मलाई लाग्दैन । ” उनले भने।

‘दुवै जनाको कता कताको फोटो राखेर भेटघाट भयो र ढाँटियो नि’ भन्दै उनले मेनस्ट्रिम मिडियालाई ‘कुहिरीमण्डलको खेतीमा” नरुमल्लिम आग्रह गरे। रअका प्रमुखले अन्य नेतासंग गरेको भेटघाटका सम्बन्धमा उनले अनविज्ञता जनाए।

उनले भने, “को कस्ले भेटे ? को कस्लाई त्यस्ता भेटघाट गर्ने बानी लाग्या छ ? रअ को प्रमुखलाई भेटेर कोही पनि रअको पक्षधर त हुँदैन होला नि हुन्छ र ? यस्तो लघुताभासी मान्यता पनि नराखौं र प्रधानमन्त्री ज्यूले भेटेको होइन । भेटेकै हो भनेर कसैलाई पुष्टि गर्नु छ भने तथ्य प्रमाण लिएर पुष्टि गर्नुपर्यो । नेपाल सुन्दर देश छ आइरहन्छन नि मान्छेहरु।”

पूर्व प्रधानमन्त्री लगायतसँग रअका प्रमुखले गरेको भेटघाट कुटनीतिक मर्यादा अनुसार छ त भन्ने पत्रकारको जिज्ञासामा उनले भेटबारे नै आफुलाई  जानकारी नभएको प्रतिक्रिया दिए।

उनले भने, “ म हाजिरी जवाफमा सामेल छैन । मैले डिप्लोमेटिक प्राटोकल अनुरुप भए राम्रो हुन्छ भनेर भनीसकेँ । भेट्या नभेट्या पनि मलाई थाहा छैन । तपाईं आफैं त्यसलाई समपुष्टि गर्नुहोस् । मलाई यसमा जस्टिफाई गर्नुपर्ने जरुरी छैन। ”
पत्रकार सम्मेलनमा साउन ६ गते सोमबार बसेको मन्त्रिपरिषद् बैठकको निर्णयहरु सार्वजनिक गरिएको थियो ।


यस्ता छन् मन्त्रिपरिषद्का निर्णय