काठमाडौं - गोरखामा ओडारमा लुकाइ राखेको १६ किलो सुन बरामद भएको छ। धार्चे गाउँपालिका खोर्लाबेसीको एक ओडारमा लुकाइ राखेको १६ किलो सुन बरामद भएको प्रहरीले जानकारी दिएको छ।
मनास्लु पदमार्ग नजिकै ब्यापारी धनकमल गुरुङले ओडारमुनि लुकाइ राखेको सुन प्रहरीले बिहीबार बरामद गरेको हो । उनी सुन लुकाएर फरार भएका थिए।
खच्चडमा सुन ल्याउँदै गर्दा लुटेराले लुट्न खोजेपछि धनकमलले सुन लुकाएका थिए। पक्राउ परेका लुटेराले धनकमलले सुन ल्याएको बताएपछि फरार रहेका उनको खोजी प्रहरीले तिब्र पारेको थियो। धनकमललाई प्रहरीले बुधबार काठमाडौंबाट पक्राउ गरी सुन लुकाएको ठाउँ देखाउन लगाउँदा सुन बरामद गरिएको प्रहरीले जनाएको छ।
घटनाबारे अनुसन्धान भैरहेको प्रहरीले बताएको छ।
प्रकाशित: Dec 31, 2017| 18:23 आइतबार, पुस १६, २०७४