गुल्मी- गुल्मीको सत्यवती गाउँपालिका वडा नम्बर ३ ठूलो लुम्पेक र वडा नम्बर ४ लिम्घामा गएको पहिरोमा ज्यान गुमाउनेको संख्या १३ पुगेको छ ।
लिम्घाका डेढ वर्षीय बालक सञ्जु विक र ७ वर्षीया तारा विक तथा ठूलोलुम्पेकका माया विक र बबी विकको शव फेला परेसँगै मृतकको संख्या १३ पुगेको हो ।
मृत्यु हुनेमा वडा नम्वर ४ लिम्घांका ६५ वर्षीया छल्ली विक, २८ वर्षीया कम्बु विक, २५ वर्षीय निर्मला विक, १२ वर्षीया अञ्जली बिक, १० वर्षीय हेमन्त विक, ७ वर्षीया शिवानी बिक, डेढ वर्षीय सुमन विक र ७ वर्षीया तारा विक रहेको गाउँपालिका अध्यक्ष पारीश्वर ढकालले बताएका छन् ।
त्यस्तै यता वडा नम्वर चार ठुलोलुम्पेकमा पनी ४ जनाको ज्यान गएको छ । ज्यान जानेमा ३२ वर्षीया तिलकुमारी त्रामु, ९ वर्षीय दर्शन त्रामु र ६३ वर्षीय दुर्गाबहादुर सिञ्जालीको पहिरोबाट बच्न भाग्ने क्रममा मृत्यु भएको प्रमुख प्रशासकीय अधिकृत यादव भण्डारीले बताएका छन् ।
ठूलो लुम्पेमै रुद्र बिकको घर पनि पहिरोले पुरेको छ । पहिरोमा परी ४० वर्षीया माया विक, उनका छोरा र १६ वर्षीय गबि विकको मृत्यु भएको छ ।
प्रकाशित: Dec 31, 2017| 18:23 आइतबार, पुस १६, २०७४