लमजुङ- लमजुङको दोर्दी खोलामा बुधबार आएको बाढीमा बेपत्ता ६ जना अझै फेला परेका छैनन् ।
नेपाली सेना, नेपाल प्रहरी, सशस्त्र प्रहरी र स्थानीय मिलेर खोजी कार्य तीव्र पारे पनि उनीहरुको स्थिति पत्ता लाग्न नसकेको प्रहरीले जनाएको छ ।
दोर्दी खोलामा अकस्मात् आएको बाढीमा परेर ४ जनाको मृत्यु भएको थियो । मृतकमध्ये २ जनाको सनाखत भएको छ ।
जसमा पर्सा जिल्ला घर भई आन्दाजी २८ वर्षीय शिव धन चौधरी र डडेलधुरा घर भएका आन्दाजी ३४ वर्षीय रमेश बुढा रहेको प्रहरीले जनाएको छ ।
एक जना लुकेर बसेको अवस्थामा सकुशल उद्धार गरिएको थियो ।
प्रकाशित: Dec 31, 2017| 18:23 आइतबार, पुस १६, २०७४