काठमाडौं - चलचित्र निर्माता छविराज ओझा र नायिका शिल्पा पोखरेलविरुद्ध पक्राउ पूर्जी जारी भएको छ।
जिल्ला अदालत काठमाडौंले निर्माता ओझा र नायिका पोखरेलविरुद्ध पक्राउ पूर्जी जारी गरेको हो। बहुविवाहसम्बन्धी कसुरमा अनुसन्धान गर्न दुवैलाई पक्राउ गर्न पूर्जी जारी भएको हो।
काठमाडौं प्रहरी परिसर, टेकुका डीएसपी होविन्द्र बोगटीले छविकी जेठी श्रीमती हेमा ओझाले छविविरूद्ध महानगरीय प्रहरी परिसर गौशालामा बहुविवाहको उजुरी दिएपछि पक्राउ पूर्जी जारी गरिएको बताए। उनले ओझा र पोखरेलले बहुविवाह गरेकाले दुवैलाई कारबाही गर्न माग गर्दै उजुरी दर्ता गरेकी बोगटीले बताए।
पक्राउ पूर्जी जारी भएपछि दुवैको खोजि भैरहेको बोगटीले बताए।
प्रकाशित: Dec 31, 2017| 18:23 आइतबार, पुस १६, २०७४