एजेन्सी- अर्जेन्टिनी तथा स्पेनिस क्लब बार्सिलोनाका कप्तान लियोनल मेस्सीलाई एक खेलको प्रतिबन्ध लगाएको छ । पछिल्लो समय ब्राजिलमा आयोजना भएको कोपा अमेरिकामा विवादित बनेका मेस्सीलाई कोपा अमेरिकाको एक खेल प्रतिबन्ध लगाएको हो ।
मेस्सीलाई साउथ अमेरिकन फुटबल कन्फेडेरेसनले एक खेलको प्रतिबन्ध लगाएको हो । यससँगै मेस्सीलाई १५ सय डलर जरिवाना समेत लगाएको छ । मेस्सीले उक्त कोपा अमेरिका ब्राजिललाई जिताउन पूर्व योजना भएको तथा प्रतियोगितामा संलग्न सबै पदाधिकारीलाई भ्रष्ट्राचारी भएको आरोप लगाउँदै आएका थिए ।
तेस्रो स्थानको लागि चिलीविरुद्ध भएको खेलमा रातो कार्ड खाएका मेस्सीले आफ्नो तेस्रो स्थानको मेडल समेत लिन आएका थिएनन् । साउथ अमेरिकन फुटबल कन्फेडेरेसनले यसअघि मेस्सीले संस्थानको अपना गरेको आरोप लगाएको थियो । यस प्रतियागिताका ६ खेल खेल्दा मेस्सीले मात्र एक गोल गरेका थिए ।
प्रकाशित: Dec 31, 2017| 18:23 आइतबार, पुस १६, २०७४