काठमाडौं - वर्षाका कारणले गुल्मी जिल्लाको सत्यवती गाउँपालिकाको लिम्घा र ठूलो लुम्पेक गाउँमा पहिरो गई भएको क्षतिप्रति कांग्रेसले दुःख व्यक्त गरेको छ।
कांग्रेस संसदीय दलले दुःख व्यक्त गर्दै बेपत्ता भएकाहरुको खोजी गरी उद्धार गर्न आग्रह गरेको छ। विस्थापित तथा जोखिममा रहेका घरपरिवारलाई पुनर्स्थापनाको व्यवस्था साथै घाइते भएकाहरुलाई उपचार एवं राहत तथा मृतक परिवारलाई उचित क्षतिपूर्तिको व्यवस्था गर्न नेपाल सरकारसँग कांग्रेसले आग्रह गरेको छ।
पहिरोमा परी घाइते भएकाहरुको शीघ्र स्वास्थ्यलाभको कामना साथै मृतकहरुप्रति कांग्रेसले श्रद्धाञ्जली व्यक्त गरेको छ।
सोमबार राति भएको उक्त घटनामा परी करिब दश जनाको मृत्यु भएको छ।
प्रकाशित: Dec 31, 2017| 18:23 आइतबार, पुस १६, २०७४