ओमन- मंगलबार ओमन प्रस्थान गरेको नेपाली राष्ट्रिय क्रिकेट टिमले बिहीबार अभ्यास सुरु गरेको छ। मंगलबार ओमन पुगेको टिमका सबै खेलाडीको बुधबार कोभिड रिपोर्ट नेगेटिभ आएपछि नेपाली टिमले अभ्यास थालेको हो।
ओमन र अमेरिकासँग समान २–२ खेलका लागि नेपाली टोली ओमन पुगेको हो। यी खेल विश्वकप लिग-२ अन्तर्गतका हुन्।
नेपालले घरेलु मैदानमै ओमन र अमेरिकासँग दुई/दुई खेल खेलिसकेको छ। अमेरिकालाई हराएको नेपालले ओमनसँग भने हारमा चित्त बुझाएको थियो।अंकतालिकामा नेपाल ४ अंकका साथ पुछारबाट दोस्रो स्थानमा छ। शीर्षस्थानको ओमनले २६ अंक बटुलेको छ।