काठमाडौं- सिंगापुरमा जारी आइसिसी टी-२० विश्वकप छनोट अन्तरगत एसिया फाइनलको आफ्नो पहिलो खेलमा नेपालले कतारलाई १ सय २३ रनको लक्ष्य सुम्पेको छ । टस जितेर पहिले ब्याटिङ गरेको नेपालले निर्धारित २० ओभरमा सबै विकेट गुमाउँदै १ सय २२ रन जोडेको हो ।
मध्यम सुरुवात गरेको नेपालक लागि युवा ब्याट्सिम्यान दीपेन्द्र सिंह ऐरीले ३४ रनको जारी खेले । चौथो नम्बरमा मैदान प्रवेश गरेका ऐरीले ३५ बलमा १ चौका र १ छक्का प्रहार गर्दै ३४ रन जोडेका हुन् ।
त्यस्तै कप्तान पारस खड्का २८ रनमा पेभिलियन फर्किए । उनले १७ बलमा ४ चौका र १ छक्का प्रहार गर्दै २८ जोडे । दोस्रो विकेटका रुपमा पेभिलियन फर्किएका ज्ञानेन्द्र मल्लले २४ बलमा २ चौका र १ छक्काको मद्दतमा २३ रन जोडे ।
सोमपाल कामीले ११ रन जोड्दा शदरद भेषावकरले ७, विनोद भण्डारीले ३, करन केसीले ४, ललित नारायण राजवंशी शुन्य, बसन्त रेग्मी १ र सन्दीप लामीछाने ९ रनमा पेभिलियन फर्किए । अभिनास बोहरा शुन्य रनमा अविजित रहे ।
कतारका लागि इकबल हुसेइनले सर्वाधिक तीन विकेट लिए । त्यस्तै तामुर सज्जाद र नौमन सरवारले दुई दुई तथा इनाम उल हकले एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४