काठमाडौं- सिंगापुरमा जारी आइसिसी टी-२० विश्वकप छनोट अन्तरगत एसिया फाइनलको आफ्नो पहिलो खेलमा नेपालले कतारविरुद्ध टस जितेर ब्याटिङ गर्दै छ ।
उपाधि दाबेदारको रुपमा रुहेको नेपालले आफ्नो पहिलो खेलमा नै कतारलाई पराजित गर्दै सुखद सुरुवात गर्न चाहन्छ । यता कतार भने आफ्नो पहिलो खेलमा पराजित भएसँगै नेपालसँगको खेलमा ग्लोबल छनोटमा स्थान बनाउनका लागि जित्नै पर्ने दबाबमा छ ।
कतारले आफ्नो पहिलो खेलमा आयोजक सिंगापुरसँग ३३ रनले पराजति भएको थियो । हालसम्म नेपाल र कतारले सबै खाले गरी ६ पटक आमने सामने भएका छन् ।
जसमा ४ एकदिवसीय र २ टी-२० अन्तर्राष्ट्रिय खेल रहेका छन् । ४ एकदिवसीय मध्य नेपालले तीन खेल जित्दा एक गुमाएको छ भने टी-२० अन्तर्राष्ट्रियमा दुबै टोलीले एक एक खेल जितेका छन् ।
प्लेइङ ११ :
परस खड्का (कप्तान), ज्ञानेन्द्र मल्ल, शरद भेषावकर, बसन्त रेग्मी, सोमपाल कामी, अभिनास बोहरा, सन्दीप लामीछाने, दीपेन्द्र सिंह ऐरी, विनोद भण्डारी, करन केसी र ललित नारायण राजवंशी
प्रकाशित: Dec 31, 2017| 18:23 आइतबार, पुस १६, २०७४