नेकपा प्रदेश १ : कतै पाँच सहइन्चार्ज कतै शुन्य 

इटहरी- नेकपाको प्रदेश १ का १४ जिल्लामा इन्चार्ज एक/एकजना राखिए पनि सहइन्चार्जहरु भने एक जनादेखि पाँच जनासम्म तोकिएको छ ।

कतै भने कुनै पनि सहइन्चार्ज तोकिएका छैनन् । नेकपा केन्द्रीय सदस्यहरुलाई जिल्लाका इन्चार्ज र सहइन्चार्जको जिम्मेवारी तोकिएसँगै प्रदेश १ मा सबैभन्दा धेरै सहइन्चार्ज सुनसरीमा तोकिएको छ ।

केन्द्रीय सदस्यहरुलाइ जिल्ला इन्चार्ज र सहइन्चार्ज आइतबार तोकिएकोमा सुनसरीमा सबैभन्दा धेरै पाँच इन्चार्जहरु तोकिएको छ ।

जगदीय कुसियैत, तैयब हुसेन, रामकुमारी चौधरी, महोमद महफुज अन्सारी र रामकुमारी चौधरीलाई सुनसरीको सहइन्चार्ज तोकिएको छ । इन्चार्जमा भने धर्म निरौला तोकिएका छन् । 

प्रदेश १ मा सुनसरीपछि सबैभन्दा धेरै चारजना सहइन्चार्ज भएको जिल्ला खोटाङ भएको छ । विशाल भट्टराई इन्चार्ज भएको खोटाङमा दुर्गा जयन्ती राई, राजन राई, रामकुमार राई र समिता कार्की सहइन्चार्ज भएका छन् । 

झापा र मोरङमा तीन/तीन जना सहइन्चार्ज भएका छन् । रविन कोइराला इन्चार्ज भएको झापामा तीन सहइन्चार्जहरुमा देवेन्द्र दाहाल, धर्मशिला चापागाई र हरिबहादुर राजवंशी तोकिएका छन् ।

घनेन्द्र बस्नेत इन्चार्ज भएको मोरङमा महेश रेग्मी, गोपीबहादुर सार्की अछामि र देउमान सम्बाहाम्फे सहइन्चार्ज भएका छन् । 

पाँचथर र तेह्रथुममा भने दुई/दुई जना सहइन्चार्ज भएका छन् । इन्द्र बहादुर आङ्बो इन्चार्ज भएको पाँचथरमा आइन्द्र सुन्दर नेम्बाङ र डम्बरसिंह सम्बाहाम्फे सहइन्चार्ज तोकिएका छन् । 
जयन्ती राई इन्चार्ज भएको तेह्रथुममा दुर्गाप्रसाद चापागाई र बिजय सुब्बा सहइन्चार्ज तोकिएका छन् । 

सोलुखुम्बु, संखुवासभा र भोजपुरमा भने एक/एक जना मात्रै सहइन्चार्ज तोकिएका छन् । शिवबहादुर बस्नेत इन्चार्ज तोकिएको सोलुखुम्बुमा हेमकुमार राई सहइन्चार्ज तोकिएका छन् ।

संखुवासभामा राजेन्द्रकुमार राइ इन्चार्ज र राजेन्द्र कार्की सहइन्चार्ज तोकिएकोमा भोजपुरमा भने सुधन किराँती इन्चार्ज र हरिबहादुर राइ सहइन्चार्ज तोकिएका छन् । 

ताप्लेजुङ, धनकुटा र ओखलढुंगामा भने इन्चार्ज मात्रै तोकिएका छन् जसमा क्रमशः भाष्कर काफ्ले, हेमराज भन्डारी र यज्ञराज सुनुवार इन्चार्ज छन् । 

इलाममा एकजना इन्चार्ज धिरेन्द्र शर्मा छन् सहइन्चार्ज छैनन् । उदयपुरमा इन्चार्ज बलदेव चौधरी र सहइन्चार्ज मन्जु कुमारी चौधरी रहेका छन् ।